ரேடியோ வேரித்தாஸ் ஆசியாவின் புதிய பொது மேலாளர்.
கியூசான் நகரம், ஆகஸ்ட் 18, 2025 - ரேடியோ வேரித்தாஸ் ஆசியாவின் புதிய பொது மேலாளராக இறைவார்த்தை சபை (SVD) அருட்தந்தை பெல்மார் காஸ்ட்ரோடெஸ் ஃபியல் நியமிக்கப்பட்டுள்ளார்.
2025 ஆகஸ்ட் 5 ஆம் தேதி, மனிலா பேராயரும் PREIC, தலைவருமான யோசே எப். கர்தினால் அட்வின்குலா அவர்களும், சான் பாப்லோ ஆயரும் FABC சமூக தொடர்பு அலுவலகத் தலைவருமான மறை. மார்செலினோ ஆண்டோனியோ மலபானான் மராலிட் அவர்களும் இணைந்து கையெழுத்திட்ட கடிதத்தின் மூலம் இவர் நியமிக்கப்பட்டார். 2016 முதல் இந்தப் பொறுப்பில் பணியாற்றிய அருட்தந்தை விக்டர் எப். சடாயா, CMF, அவர்களின் பின் இவரே அந்தப் பொறுப்பை ஏற்றுக்கொள்கிறார்.
2008 ஆம் ஆண்டு அருட்தந்தையாக திருநிலைபடுத்தப்பட்ட அருட்தந்தை பெல்மார், சாம்போவாங்கா சிபுகேயில் உள்ள தீவு பங்குகளிலிருந்து செபுவில் உள்ள ஊடகத் தூதுப்பணிகள் வரை பல்வேறு ஆத்தும பராமரிப்பு பொறுப்புகளை மேற்கொண்டுள்ளார். அவரது தலைமைத்துவ அனுபவத்தில், தெய்வ வார்த்தை சமூகத்தினரால் நடத்தப்படும்,நற்செய்தியைப் பரப்புதல் நோக்கமாகக் கொண்ட கத்தோலிக்க வானொலி வலையமைப்பான “வேர்டு ப்ராட்காஸ்டிங் கார்ப்பரேஷன்”-இல் (The Word Broadcasting Corporation) 2014 முதல் 2020 வரை உதவி பொது மேலாளராகவும், 2020 முதல் 2025 வரை பொது மேலாளராகவும் பணியாற்றினார்.
சமூகக் கட்டமைப்பில் தனது படைப்பாற்றலுக்குப் பெயர் பெற்ற அருட்தந்தை ஃபெல்மர், மபுஹாய், ஜம்போங்கா சிபுகேயில் உலகின் மிக நீளமான ஒட்டும் அரிசி கேக்கை (biko) ஏற்பாடு செய்தல் போன்ற முயற்சிகளுக்குத் தலைமை தாங்கினார். இது முஸ்லிம்கள். கிறிஸ்தவர்கள் மற்றும் சுபானென் சமூகங்களை அமைதி மற்றும் நட்பின் அடையாளச் செயலில் ஒன்றிணைத்தது.
அருட்தந்தை ஃபெல்மரின் பங்களிப்புகள் பல பாராட்டுகளுடன் அங்கீகரிக்கப்பட்டுள்ளன. அவற்றில் சிறந்த தொழில் ஊக்குவிப்பு விருது (2012) 2017 கத்தோலிக்க வெகுஜன ஊடக விருதுகளில் சிறந்த வலைப்பதிவு விருது மற்றும் 2023 சர்வதேச கோல்டன் குளோப் சாதனையாளர் விருதுகளில் இருந்து ஊடகங்களில் ஊக்கமளிக்கும் மதத் தலைவர் விருது ஆகியவை அடங்கும்.
அவர் செப்டம்பர் 1, 2025 அன்று ரேடியோ வேரித்தாஸ் ஆசியாவின் புதிய பொது மேலாளராக அதிகாரப்பூர்வமாகப் பதவியேற்க உள்ளார்.
1969 ஆம் ஆண்டு ஆசியாவின் ஆயர் மாநாடுகள் கூட்டமைப்பு (FABC) மூலம் நிறுவப்பட்ட ரேடியோ வேரித்தாஸ் (RVA), பல ஆசிய மொழிகளில் நற்செய்தி மற்றும் திருஅவை நிகழ்ச்சிகளை ஒளிபரப்பும் ஒரு குறுகிய அலை வானொலி நிலையமாகத் தொடங்கியது, பெரும்பாலும் திருஅவை வெளிப்படையாக செயல்பட முடியாத பகுதிகளை சென்றடைந்தது. இன்று, கியூசான் நகரத்தை தளமாகக் கொண்ட இந்த வலைதள அமைப்பு ஆசிய திருஅவைக்கான உள்ளடக்கத்தை உருவாக்கும் வலைத்தளங்கள், கைபேசி செயலிகள் மற்றும் சமூக ஊடக தளங்களுடன் டிஜிட்டல் மீடியா சேவையாக பரிணமித்துள்ளது.
நற்செய்தி அறிவிப்பு, மதங்களுக்கு இடையேயான உரையாடல் மற்றும் நீதி, அமைதி மற்றும் மனித மேம்பாட்டை மேம்படுத்துதல் ஆகிய நோக்கங்களை முன்னெடுத்துச் செல்லும் ரேடியோ வேரித்தாஸ் ஆசியா கிறிஸ்தவத்தின் குரலாக" தொடர்ந்து சேவை செய்கிறது.
Daily Program
