பொதுக்காலம் 17-ம் வாரத் திங்கள்
விண்ணரசு கடுகு விதைக்கும்
புளிப்புமாவிற்கும் ஒப்பாகும்
- மத் 13: 31-35
பெரியன போற்றுதலும்
சிறிதென தூற்றுதலும் உலக வழி!
பெரும்பான்மை; செல்வாக்கு
பெரியது; திறமையானது
உலகப் புகழ்; தனித்துவம் - என
உலக வழி காணாமல்
சிறுபான்மை; செல்வாக்கற்ற
சிறிதான; திறனற்ற
கண்டுகொள்ளப்படாத; எவருமற்ற - என
உன்னத வழிகண்டவர் இயேசு!
கடுகும் - புளிப்புமாவும்
காண்பதற்கு சிறிதாயினும்
காடும் வியக்கும் - வீடும் சிறக்கும்!
பிரபஞ்ச படைப்பில்
துகள் அளவு கூட நாமில்லை.
ஆனாலும் கடவுள் முன்
நாமெல்லாம் உத்தமமே!
எழுத்து
அருட்பணி மைக்கல் ராஜா MMI
Daily Program
